जाणता राजा
निश्चयाचा महामेरू। बहुत जनांसी आधारू
अखंड स्थितीचा निर्धारू। श्रीमंत योगी।। यशवन्त, कीर्तिवन्त। सामर्थ्यवन्त, वरदवन्त
पुण्यवन्त, नीतिवन्त। जाणता राजा।।
शिवरायाचे आठवावें रूप। शिवरायांचा आठवावा प्रताप
शिवरायाचा आठवावा साक्षेप। भूमंडळीं।। शिवरायाचें कैसें बोलणें। शिवरायाचें कैसे चालणे
शिवरायाचे सलगी देणे। कैसी असे।।
सकळ सुखाचा केला त्याग। करूनि साधिजे तो योग
राज्यसाधनाची लगबग। कैसी केली।।
